唔敢清理「遺物」陳家樂責余香凝無情
藝人余香凝被指暗撻保險才俊Victor，遂與陳家樂分手。甩拖的陳家樂看來深受失戀打擊，昨日凌晨在IG上載一張家中黑白照，相中的他明顯落晒形，爛牆上貼滿與余香凝的甜蜜即影即有，最爆是留言：「分手一個月了，我還是不敢清理我們的遺物，你的所有東西仍在，不是我懶，而是不捨得，我不像你。」似乎怪女方太忘情，但不足一分鐘就刪走Post。
而余香凝曾指與Victor只是燒肉店的生意夥伴，他們合資的燒肉店昨日開張。見Victor在店內打點，他也大方企定定受訪，強調與余香凝只是普通朋友：「識咗好多年。（但佢好多晚去你屋企過夜？）仲有其他Partner同我屋企人。」
有指女方因他而與家樂分手，他說：「絕對冇可能。（冇機會發展？）呢刻一定冇，但將來唔知。（心痛佢被鬧拜金？）當然戥佢唔抵。（會出嚟護花？）費事愈描愈黑。」講到店內不見余香凝，他說：「佢唔喺香港，依家情況都冇辦法，我哋自己搞掂。（你哋會避忌？）都唔係，就算佢唔喺香港，我哋都會電話開會。」