黃秋生爆有廿歲私生子：老婆一早知
56歲的黃秋生與太太吳惠貞結婚廿六年，育有兩名兒子，但有指秋生原來還有一名20歲的私生子William，並與母親Joyce居於英國。雖然父子相隔兩地，但仍有保持聯絡，William不時來港跟父親見面，秋生亦有盡父親責任，每月畀錢供書教學。
對於私生子一事，秋生接受電話訪問時直認不諱：「有人問，我一定會認，係事實嚟，唔想影響William。（你哋係咪經常有聯絡？）係，啱啱佢先嚟咗香港，尋晚仲一齊食飯，今日佢返番去英國。」至於太太吳惠貞知不知道William的存在？秋生說：「佢一早知道。（咁佢有冇同你媽咪即係嫲嫲見過面？）有。（咁同父異母嘅兄弟呢？）都有，不過係好耐之前嘅事。」問到可有後悔當年所做一切？他直言：「冇後悔！」據知，William母親Joyce多年來對秋生依然有情，並指沒後悔過當年為對方所做的一切。