陳嘉桓認大食黃宗澤邀返家開P
37歲的黃宗澤（Bosco）被指與25歲陳嘉桓發展地下情半年，對方更在其家出入，但兩人均矢口否認戀情，Bosco稱只是請朋友到屋企開P，而女方亦口徑一致，還笑言自己食量大，所以獲邀幫手「清枱」！
型男Bosco一向甚有異性緣，緋聞女友亦不少，雖然前年公開與日模Jun拍拖，但可惜最終分手收場。不過最近他被指與早前合作拍邵氏網劇《守護神》的「長腿女神」陳嘉桓（Rose）拍拖，女方更已登堂入室，自出自入其家！對於被指有新戀情，Bosco笑言：「屋企裝修完開Party啫！呢排好多唔同嘅朋友嚟我屋企食飯，公司啲朋友、自己嘅朋友同《守護神》劇組啲朋友。」問到與Rose可有發展機會？他則說：「發咩展呀？（你鍾意長腳嘛！）長腳還長腳，鍾意還鍾意！」
夾晒口供
Rose亦與男方口徑一致，同樣指上對方屋企只因開Party：「佢屋企啱啱裝修好，咁啱又有世界盃，我被邀請去佢屋企同一大班人開Party，我出名食量大，佢哋有大食會，一定會通知我，等我幫佢哋清晒啲食物嘛！」至於有否發展機會以及覺得對方如何？她笑言：「呢個Moment咁敏感，唔答咁多喇，謝謝大家。」
