凍齡媽咪出寫真楊思琦預咗聽閒話
年近40的藝人楊思琦依然擁有少女「波地」，最近以多款性感造型上陣拍寫真，盡騷曲線可謂意態撩人！雖然已為人母，但她坦言不擔心外間言論，只想留下美好回憶。
2001年港姐冠軍楊思琦多年前離開無綫，不時在內地拍劇、拍電影，現時亦正忙於拍內地片。雖然已為人母，女兒楊卓穎已6歲，但向來擁有美好身段的她依然Fit爆，趁快將「女人四十」前留下回憶，決定今年推出首本個人寫真集《Miss Szeki 2018》。
Chok甫酥胸半露
早前，思琦隨攝影師Ronald到馬來西亞取景，盡騷34D、24、34的少女身段，天氣炎熱下換上多套泳衣、背心及性感服裝上陣，期間大擺甫士，酥胸半露，絕對意態撩人！思琦昨日受訪時表示，對今次拍攝效果相當滿意：「影嗰陣冇話特別注意啲乜，盡量係自然啲。攝影師都好好，叫我放鬆啲，捕捉最靚、最自然嘅一面。」
「呢啲係自己想做」
說到已為人母，現時才出寫真會否怕外間有所評論，她說：「乜都會有人講！唔擔心人哋講好同唔好，總之呢啲係我自己好想做嘅，同埋我覺得健康得嚟好有美感。」問到是否對身形充滿信心時，她笑說：「其實都好滿意，生過小朋友都Keep到，身邊啲朋友都成日問我，滿意自己仲有少少腹肌。」
