黃智賢脫癦變美容達人
藝人黃智賢近年對美容愈來愈有興趣及見解，笑指日子有功已染上「職業病」，現時見到同事會不自覺畀意見，連跟了自己幾十年的鼻下癦，早前也乾脆脫走！
黃智賢（Ben）早前豪擲7位數字，與兩位專業醫生於中環開設逾千呎的醫學美容中心，開幕當日邀得多位圈中好友撐場，場面熱鬧！Ben打算將現時隔籬舖位一併租下，笑言留意了該項生意三年多，憑個人經驗及數據引證下，認為有得做。
掌握行情做埋接線生
為更了解行情，Ben每逢有空檔便到中心當接線生，他說：「開始咗兩個幾月，啲客唔知我係邊個，通常會問好多嘢，我需要去解釋清楚佢知，到我唔明都會去請教兩位醫生Partner。」他又笑說：「有時見到朋友皮膚有色斑，都會畀意見。好似我以前有粒墨喺鼻下面，人哋以為我有污糟嘢畀紙巾我，以前會用嘢遮，後嚟索性脫咗佢，你知依家高清睇得好清楚啦！」他指亦有投資外幣及股票，坦言全是血汗錢，故會做足功課。
