藝人胡定欣早前因在節目《美女廚房》中的「地獄廚神」表現而成為熱話，被網民笑指「嫁唔出」。日前她相約好姊妹胡杏兒及老公李乘德、蘇永康及囝囝Jazz飯敍，期間定欣抱起Jazz合照時不慎弄哭對方，令她忍不住大呻怕嫁唔出：「Jazz……你畀吓面姐姐啦，我已經畀人知道我係『地獄廚神』，煮嘢食係『生』o架啦，如果再畀人知道整喊細路，我……應該嫁唔出o架啦……下次再見你，你要笑吓啦，知道嗎？」之後，她再晒出大合照，Jazz在爸爸的懷抱中，終於收起眼淚。