曾咏3,000呎新居滿足潔癖老公
「碩士女模」曾咏與老公及女兒近日搬入3,000呎獨立屋新居，新屋裝修長達年半，採用簡約設計，她笑言設計上坐享其成，全賴有個講究兼有潔癖的老公。
2015年，曾咏（Winnie）與拍拖四年、從事美容生意的男友甘先生結婚，同年宣布懷孕兼誕女。兩人婚後不久已物色這座獨立屋，結果裝修年半才入伙！不過，她對新居甚為滿意，完全是心目中的Dream House，希望能住到自己行不到樓梯為止。
獨立屋樓高三層，地下是客廳、飯廳及廚房，二樓是女兒房，三樓則是主人大房，全屋採用簡約設計，跟其模特兒時尚的身份很夾，Winnie卻笑言在設計上冇乜點出力：「裝修咁耐係因為好似牆角天花、地腳線要慢工出細貨，係我先生嘅意思！佢同設計師夾，我淨係講咗需要一個化妝間用嚟擺護膚品，仲有一個擺養生食品嘅專櫃。因為我放嘢有少少亂，但我先生有潔癖，平時拉埋門佢就睇唔到有幾亂喇！」Winnie指二樓的衣帽間最為壯觀，設有多個趟門衣櫃，但自言只佔三分一位置，其他全是老公：「我先生好鍾意襯衫，其實佢至係一個Model！不過近年佢開始轉換視線，反而幫個女買衫，相信未來十年，女啲衫會多過我。」
花園變茶敍小天地
Winnie最愛是屋外花園，擺放梳化及茶几，成為與閨蜜的茶敍小天地，她說：「我係讀營養學，媽咪又係中醫師，所以自小好注重養生，仲做過YouTube節目講養生湯水，又諗咗個養生茶出嚟，可以簡單祛濕、補氣血。」還不時相約好友來歎茶，成為假日必然節目。
服裝：Paule Ka@THE SWANK