AGA儲定歌等開紅館騷

唱作才女江海迦（AGA）為配合新歌，近日大膽地嘗試跨年代復古造型，讓人眼前一亮！她笑言曾經歷形象百變的青少年時期，超短髮、鮮紅色頭髮、Punk風甚至Hip-Hop風統統試過：「依家睇番真係唔太靚，唔會夠膽拎番出來畀人睇！」眼見同公司歌手Gin Lee即將舉行處女紅館騷，問到何時輪到她？AGA透露唱片公司去年曾有此提議，但被她拒絕：「每個人選擇嘅路都唔一樣！我第一日已經同舒文（監製）講，夢想係開騷全部唱自己寫嘅歌，類似作品展咁，所以需要做多隻碟先夠。我唔算多產，成三、四個月先出到一首歌，所以想再等等，同埋等到再多啲人聽我嘅歌先。」