Carman正印變小三Hurt爆！

跳唱組合Bingo最近推出新歌《疑心病》，講述女生拍拖時不信任男友，想Check對方手機。現實中，成員Carman及Christy坦承試過這樣做，因發現對方有古怪，Carman的經歷慘痛之餘更出人意表！她表示與初戀男友拍拖兩、三個月已知道對方有第三者，但很傻地一直啞忍兩年，直到最後忍不住Check男友手機：「其實去到呢步，我已經係想分手，但Check咗先知原來同佢一齊嗰陣，佢仲未同另一個女仔分手！」雖然分手但衰心軟，一度與男友復合兩日：「但佢同嗰個女仔繼續有聯絡，所以最後我就覺得算喇。」自此拍拖都不會再這樣做：「一Check就會諗起初戀，太Hurt！」

Christy陰差陽錯Check上癮

Christy則表示前男友一直對她很好，但直覺上覺得對方劈腿，一次偶然下Check對方手機：「有次佢擺咗個電話喺我個袋，咁啱我孭埋去廁所，諗住攞嘢補妝時就見到佢個電話，咪撳入去睇同嗰個女仔嘅對話，點知真係嗰個，睇完當場有少少崩潰。」又指該次後好像上癮般，Check完又心郁郁想再Check：「因為佢話會改，所以想睇佢有冇改，但畀咗好幾次機會佢都唔改，所以最後分手。」

Odilia笑言唔想被Check，唔通有啲嘢唔見得光？	Bingo各成員自言是單身，信不信由你！ 左起：Christy、Odilia、Carman、Katie。	Katie認為互信很重要，寧願「眼不見為淨」。

至於Katie及Odilia則表示沒有試過，Katie指因為信男友：「如果我唔信佢，一齊落去都冇意思！（咁前男友有冇試過呃你？）有！但我寧願呃我一世！」Odilia認同指一旦Check手機，雙方的信任便會改變：「對方都可以話Check番你。」

講到現時感情狀況，四人笑言與成員拍拖，Odilia謂會以事業行先，但又笑言心急拍拖：「都想生活上有愛情滋潤吓。」