周奕瑋帶團拓展商機

主持旅遊節目《周遊東京》的藝人周奕瑋（Jarvis）早前出席一個野遊裝備活動，分享做星級帶隊遊日本的趣事。身為日本通的他，笑言每次帶隊都變成吉祥物，任人攬着拍照，他說：「我鍾意帶隊，因為好鍾意識朋友，有次識咗好多auntie uncle，話識好多內地商家，有同我傾未來演藝路點行。（介紹你做商演？）有講過，當然要睇吓機會，但始終鍾意喺香港多啲。（識到女仔？）冇，但試過有次自己嘅粉絲真係報名跟團，佢哋都係19、20歲，大家一齊玩，感覺好似同朋友去旅行咁。」可是Jarvis嫌自己口才未夠班，笑言導遊等如黃子華開talk show，擔心自己說話太悶。