鄧思朗闖樂壇撞板當Upgrade

新人歌手鄧思朗近日推出個人第一首單曲《苦情俠》，曾跟隨田啟文（田雞）修讀戲劇的他，感謝對方無論在演戲或做歌手都給予無限量支持，笑言沒有想過成為田雞的學生：「細細個睇《食神》已經知道佢係好犀利嘅喜劇演員，所以點都要約佢來食車仔麵，搵番『食神』嘅感覺！記得喺學校第一眼見田Sir好緊張，以為佢好嚴肅，點知其實好玩得！」講到做歌手搵食艱難，思朗坦言十分有決心：「唔諗得咁多！自細對唱歌演戲好有熱誠！」田雞不禁勉勵對方：「好多嘢冇可能等到最齊章先去做，好似電話型號咁，都係出咗再慢慢Upgrade，撞吓板再吸收經驗，一路去改進。」