劉嘉玲搵觀眾陪審左右舞台劇結局
劉嘉玲、謝君豪和秦沛積極排練，將在舞台上演一場激烈的鬥辯，觀眾除可欣賞三位好戲之人演出，更可親身做「陪審團」左右結局！貴為劇后和影后的嘉玲，面對排練依然有壓力，更表示緊張到失眠！
好戲之人劉嘉玲、謝君豪和秦沛等日前為英皇娛樂舞台劇《奪命証人》排練，台前幕後更送上蛋糕，為下星期生日的秦沛慶祝。
幸運兒坐第一排
眾演員積極排練之餘，更有好消息帶給觀眾。君豪透露今次舞台劇新設互動環節，每晚會抽出八至九位觀眾即場充當他們的「陪審團」，君豪說：「只要買咗飛，無論係買咩價位嘅飛，你都可以自願申請做陪審員，入場之前如果抽中你，就可以帶埋朋友一齊升呢，坐去舞台最前第一行嘅陪審席，最後觀眾投票分分鐘會影響埋我哋個結局添！係咪好玩？」
嘉玲就坦言開始感到壓力，因為仍未揣摩到角色該如何表現，晚上回家更會擔心到失眠。雖然導演有叫嘉玲不用擔心，慢慢就會揣摩到，但她仍然很緊張。君豪則指秦沛早已偷偷將台詞全部背熟，表現非常專業。
秦沛生日請食飯
秦沛下周74歲生日，他笑言日日與大家排練，差點忘記快將生日，因此未有請假，當日或會請一班演員食飯慶祝：「依家日日排練，我每日都係開始學習中，多得有佢兩個前輩帶住我啦，劉嘉玲仲成日帶好多嘢畀大家食，但佢自己又唔食！」嘉玲笑言：「我要Keep住個狀態嘛！我冇唔食，不過我要控制住，唔係食得多就有力量o架，都要食得健康！」