歌手迪子昨日帶同新歌《美哉》上電台宣傳，新歌是去年10月她在韓國撞甩牙後康復期間創作。問到現時其康復狀況？迪子說：「依家全部都係假牙，啲假牙係黐落個牙套再戴上去，啲牙根仲未生得穩，表面上係OK，但依家只可以食到蛋糕咁軟嘅嘢，食麵包都會流牙血，不過整完都有番啲自信。」整牙前後花費10萬，幸好後期有贊助。
迪子指韓國醫院處理手法好好，縫了23針都不見疤痕，問到有否趁機整容？她笑言連整牙錢都冇，何來錢去整容？她又自爆曾於小腿打Botox，但打完會「發軟蹄」，不敢再打。
