謝安琪大膽瞞夫瘦身夠胸猛
近日密密做瑜伽減肥的歌手謝安琪（Kay），大騷瘦身效果，以兩吋「事業線」壓陣「峰」殺全場，大派福利，更笑言希望可以60歲前參加馬拉松比賽。至於同場的廖子妤坦言近日潛水的余香凝十分硬淨，但自己卻因擔心對方而失眠。
Kay昨晚與藝人廖子妤、周秀娜、黃芷晴及組合Super Girls等出席活動，以一身低胸連身裙打扮示人的Kay，大騷兩吋「事業線」，但訪問時卻用手按住心口。講到今次打扮有否給老公張繼聰過目？她說：「我都係啱啱見到條裙，我有個膽就衝咗出嚟！」她近日在網上大晒做瑜伽的照片，問是否因清減不少而性感示人？她說：「其實我都係做咗一次，原來好難呀，我咁遲起步，老師都話其實好多人退休之後，先有時間做瑜伽，所以我40歲都唔算大年紀，60歲先開始都得。」
跑五分鐘心口痛
自言對運動充滿熱誠的Kay，現時做重量訓練外，亦會跑步，希望60歲前跑馬拉松：「自細氣管唔好，爆過四次肺，希望可以練到，之前跑五分鐘個心口就會痛。（Set個期限畀自己？）如果跑十公里應該一年內可以，但我唔敢太大諗頭，60歲前希望可以跑半馬，畀二十年時間自己，到時可以同小朋友一齊跑。」她又謂現時與麥浚龍籌備新唱片，多參與幕後工作，並可兼顧家庭生活。
廖子妤為余香凝失眠
而廖子妤則稱有關心好友余香凝與陳家樂分手一事，並力撐：「成班朋友好關心余香凝嘅心情，但佢都幾硬淨，但咁樣令到我哋好擔心。呢個星期我瞓得唔係咁好，半夜起身睇吓佢有冇Send訊息畀我。（最近有指陳家樂當年做第三者？）點解個風向變成咁，都唔成理據，呢個係人格謀殺，我識佢兩個唔短時間，兩個人都好善良。」