千嬅丁子高爆「家暴」
歌手楊千嬅與老公丁子高昨日以夫妻檔現身主題樂園，為首次合作配音的動畫電影宣傳，二人妙語連珠大放笑彈，首次參與配音的丁子高稱比想像中難，特別要扮被人打，千嬅即插嘴說：「你早講啦！」丁子高反擊：「你最多都係郁手，人哋係踢(口架)！」千嬅笑爆還擊：「我都踢到！」
活動後，千嬅表示答應聲演前有先問囝囝Torres意見，又重申是次配音工作全因為囝囝：「畀佢知爸爸媽媽做過超人。」又自爆囝囝自薦想參與：「我同佢講佢太細個，等佢講嘢清楚啲先。」兩人又指因為上一集是吳鎮宇、郭藹明配音，所以都感到壓力。丁子高打趣表示今次配音好有「家」的感覺：「佢（千嬅）入面嘅對話語氣好似喺屋企聽到咁，有一幕係喺床上面，真係好似一瞓低就係床！」問到夫妻檔上陣的酬勞是否好和味？二人笑言是開心價。