李施嬅包到上頸濕晒！

李施嬅與陳展鵬等昨日於酷熱天氣警告下露天宣傳，眾人更要穿上厚厚的古裝戲服，認真大整蠱！以清裝毛領包頸示人的施嬅笑謂感覺到汗水不停流，展鵬熱到「爆鬚」、譚俊彥內褲都濕埋！

無綫新劇《天命》演員陳展鵬、譚俊彥、李施嬅、姚子羚及陳山聰等穿着古裝戲服現身中環摩天輪，在烈日當空下玩遊戲，大汗淋漓的展鵬，熱到甩鬚要連忙抹汗補妝。譚俊彥與施嬅被問到可感不適中暑？施嬅說：「唔驚得咁多，感覺啲汗喺裏面係咁流，感覺到頭髮濕晒，喺度滴緊汗。」譚俊彥笑說：「直情內衣褲都濕濕哋。」

展鵬被問到着古裝宣傳可覺得是大整蠱，他笑說：「可能想觀眾睇到我哋拍古裝有幾辛苦，就算做宣傳都有血有汗。（熱到甩鬚？）係呀！直情爆鬚，上次喺室內宣傳又唔着古裝，喺室外就着古裝，幾勁呀！真係《天命》呀，最驚係個毛領，拍嗰陣條頸都搞到有濕疹。」

施嬅透露拍攝時長期頂着重重的頭飾，出現甩頭髮問題，慶幸已痊愈。而譚俊彥坦言：「咁多年都係咁，冇得驚，一定會甩啲，科技先進自己保養吓。」此外，她已有兩年沒有劇集出街：「啲Fans都話好耐冇喺電視見到我，問我係咪已經冇做，好彩冇緋聞，唔係以為我去咗嫁人，兩年咁耐仔都可以生埋囉！」