歌手雨僑昨日出席奇妙電視的《尋找高端美食》記者會時，透露患上感冒咳不停，在家中更以噴射式嘔吐，穢物從手指罅流出，嚇呆老公羅力威。問到是否「孕吐」？雨僑說：「應該唔係，結咗婚3個月，婚後我已經飛走，跟住返嚟又再飛去拍節目，我哋冇咁『勤力』！（買支驗孕棒Check吓？）未，遲少少先。」

提到之前澳洲之旅，她坦言品嘗了很多美食，一早空肚食蠔之餘，還有松露、鮑魚及花膠等。至於結婚當晚她誤開了老公的家傳大鮑來吃，今次她趁機在澳洲買了大鮑魚給老公補數。

問到可知吳雨霏一索得男？雨僑開心說：「恭喜佢！近年好多女藝人都進入咗人生另一階段。（羅力威咁寡言，將來小朋友都可能似佢？）好多人都話小朋友好嘈，難得我哋小朋友好靜，不過，我見過老公嘅小學老師，話佢細個時好多嘢講，唔停嘴o架。」