恭喜32歲吳雨霏（Kary）一索得男，前晚順利誕下和老公洪立熙（Brian）的愛情結晶品！昨日傳來好消息，指Kary日前秘密入院生B，自今年2月在社交網公布懷孕喜訊後，她為專心安胎，除停止一切工作外，連月來都保持低調，就算BB出世亦不欲太張揚，未有在網上發布消息及BB靚相。只是消息傳開，Kary才親認：「BB出咗世，不過我好累，需要休息。」但仍透過唱片公司多謝大家關心，未有透露BB磅數或生產過程。

昨傍晚約6時半，Kary胞弟在一女子陪伴下到港島某私家醫院探望家姐及外甥仔，他似乎相當心急一支箭步入醫院大堂再搭(車立)上病房，逗留約40分鐘才離開，對記者提問不發一言。Kary的閨蜜就齊齊送上祝福，鄧麗欣和區文詩異口同聲開心表示：「希望BB健康！Kary好好休息，身體快啲復原！」至於曾傳不和的楊愛瑾就表示：「恭喜Kary成為媽咪，亦祝一家人健健康康。」

Kary和Brian在2015年結婚，兩人婚後一直努力造人，前年Kary不幸小產，兩公婆互相扶持，並於今年初宣布再造人成功。而本月9日才慶祝完牛一的她，相隔10日再做媽媽，跟B仔同屬雙子座，而Brian為迎囝囝，未出世前已買了半億豪宅做新居。