馬浚偉撐李明蔚手作

抗癌歌手李明蔚於2012年不幸患上罕見的腺樣囊性癌，令其歌唱事業被迫叫停。仍在康復階段的她積極面對人生，更推出自家手作。早前她在手作市場售賣其乾花作品：「全因有朋友Share啲位畀我，先可以有更多人欣賞到我嘅作品，最感動係好多朋友專程嚟支持我，仲驚我身體支撐不住，幫我看檔。」她透露好友馬浚偉亦現身支持：「嗰日佢知道我會喺市場開檔，專登抽時間嚟支持，仲買咗啲手信畀我，好感動。」