張達明劇本攞獎搬上銀幕
藝人張達明昨日出席公開活動，表示自小已瘋狂睇小說，由武俠小說、中國經典以至外國文學都有涉獵，後來接觸舞台劇，覺得小說可以與電影互相配合，而他首次獲獎的舞台劇劇本亦已拍成電影，邀得吳鎮宇、袁詠儀及古天樂演出。達明謂共有3個舞台劇劇本獲獎，希望其餘兩齣也可拍成電影。
同場的資深傳媒人甘國亮自爆去年睇《風雲5D音樂劇》時，曾獲已故無綫非執行董事方逸華邀請返無綫合作：「佢話我係70年代第一期訓練班出嚟，問我幾時會返嚟母校做多啲嘢，我就話好呀，可惜幾個月之後佢就過世。（之後會唔會同無綫合作？）如果有人邀請我都會遵從方小姐嘅意思。」
