阿嬌撐場「跳針」感恩變遺憾 溫碧霞老公送吻放閃
溫碧霞前晚舉行處女個唱，嘉賓鍾欣潼新婚後首次公開演出，竟緊張到失言，將「感恩」講成「遺憾」，唱出自己的名曲時音樂出現問題、耳機冇電，她即時叫停要用Live Band重唱，不過觀眾未有介懷，落力為新娘子打氣。
「美魔女」溫碧霞（Irene）前晚舉行唯一一場的處女個唱，邀得吳浩康、周國賢及榮升人妻的鍾欣潼（阿嬌）擔任嘉賓，阿嬌一度緊張得講錯說話，將「感恩」講成「遺憾」，笑說：「Sorry！Cut咗佢，太緊張喇！呢幾日同Irene練歌練到凌晨，把聲都沙咗幾日，好擔心會病唱唔到。」還透露最近不少網友用Hashtag祝福她「最後變天后變新娘都是理想」，但她唱《下一站天后》時，卻因機件故障令音樂「跳針」，令她尷尬要求重唱！周國賢出場時表示二人是拍攝ViuTV劇集認識，笑指Irene買很多美食給他。她又多謝黎瑞恩陪她練歌。
「江湖一啖High」酒量淺
演唱會尾聲大會送上生日蛋糕，預祝Irene下月生日，她向老公何祖光（Kenneth）感性表白：「Kenneth喺我開心、唔開心嘅時候都無條件支持我，你哋都唔係唔知我有幾任性o架啦！」到Encore環節時，螢幕播出當年他倆結婚片段，Kenneth亦驚喜上台獻花及錫面，兩公婆大放閃光彈！完騷後Irene大呻不捨得演唱會結束，又指事前不知道老公會上台送花：「我好任性佢都冇發脾氣，得我有脾氣，好多時我都唔係咁識諗人哋感受。」又透露正洽談內地開騷。
此外，昨日Irene出席自家葡萄酒品牌發布會，她表示今次與內地一間公司合作，以她的名義出酒，Irene承認有股份：「因為我叫做係生招牌，算係少少代言性質，但所有嘢我都有要求，唔係代言咁簡單，今次嘅四款酒都係我揀。」講到酒量，她笑言花名叫「江湖一啖High」：「一飲酒好易就High，所以飲一杯紅酒就夠。」