余香凝慣性劈腿？ 胞妹潔滢心痛：唔係事實
藝人陳家樂與余香凝拍拖3年多，最終分手收場，有指女方搭上從事保險業的許焯倫（Victor）令戀情告終，但余香凝否認，並指對方只是朋友及生意拍檔。正於內地工作的她，依然是非不斷，昨有指她跟陳家樂相戀前，曾與一名生意人拍拖，不過因她一腳踏兩船而分手，當時的第三者便是陳家樂。
記者就此事致電余香凝，其經理人回覆：「唔好意思，佢暫時忙緊拍戲，加上之前要講嘅都講晒，冇嘢補充同回覆，謝謝！」而陳家樂方面，其經理人亦表示不回應。
另外，余香凝胞妹余潔滢前晚出席活動，被問到家姐與陳家樂分手，她說：「同家姐感情一向好好，都有傾過，佢依家心情已經好番啲。（家姐被指偷食、拜金心痛？）做妹妹當然心痛，因為知道唔係事實。」她又指和陳家樂甚少見面亦不太熟，但未有正面回應是否認識被指是余香凝新歡的Victor：「家姐好多朋友我都識，但係就唔會過問、八卦。（家姐開食店？）係呀！都係報道出咗先知，始終係一盤生意，所以家姐唔想我同媽咪擔心。」