王麗嘉34D導彈轟炸連詩雅自爆變態
名模馬詩慧細女王麗嘉（Irisa）昨日以閃片Bra爆乳Look出席內衣品牌活動，將同場着透視裝的歌手連詩雅（Shiga）比下去，Shiga自言打扮是尊重場合，又分享Keep住23吋纖腰的秘密，力抗Irisa的34D「導彈胸」。
Irisa指今次是她5月在美國畢業後，第一次出席活動，問到性感上陣酬勞是否可觀？她指工作由媽咪接洽，所以不知道。講到身形愈來愈fit，她表示最近少了運動，但很喜歡滑水，剛過去的周末亦有出海，結果曬傷皮膚，化妝時仍有甩皮情況。她直言做運動時會因豐滿身材而「負荷過重」，至於有否諗過縮胸？她說：「諗過但冇Plan，應該唔會呢個年紀做。」又笑言現時身形好壞參半：「好多衫着唔到，泳衣都好難買，Cup數大但胸圍細，其實係唔平均，雖然我知好多人都想要呢個身材。（Shiga羨慕你？）唔知道呀！」
24小時束腰帶
Shiga被指性感程度不及Irisa，她笑說：「咁我冇咁有睇頭嘛，我尊重場合咁着，其實我呢件衫入面應該唔着內衣嘅，但如果公開場合咁着，入面黐兩粒星星，驚嚇親大家。」又表示細個時望有豐滿身材：「媽咪有叫我飲木瓜奶，其實媽咪喺生我之前身形都好玲瓏浮凸，腰又細，我唯一遺傳到佢嘅就係腰同腳。」她自爆瘦腰方法：「細個時，媽咪教我用皮帶束住條腰，佢條腰到30幾歲都係23吋，我條腰比例上都係細嘅，其他小朋友唔好學，有少少變態，我當時由10歲束到11歲，除咗沖涼5分鐘會除皮帶之外，基本上24小時束住，我依家都係23吋腰。」
此外，講到本月29日30歲生日，Shiga預告會跟朋友和同事度過，又覺得到了一定年紀，可以嘗試不同角色，打扮亦可以淑女一點。而名媛周美鳳的女兒蔡欣熹亦以喱士胸圍上陣，同樣搶鏡！