呆嫂故弄玄虛博見報

對佢嚟講，博見報嘅招數又點只呢招？有次「呆嫂」着到成個拳擊手咁去睇演唱會，仲一早入場坐正喺記者嘅後兩行，擺到明又係想見報啦！不過當晚有大把明星紅過佢，排隊影都未輪到佢，喺臨開場之前，先有記者眼尾望到佢，出於禮貌就請佢企起身影張相，佢懶係不經意咁話：「我坐咗喺度好耐o架啦，係你哋見唔到我咋！」然後笑晒口咁企起身，當記者影完轉身走，見佢黑晒口面咁坐低，真係人前人後兩個樣。