林凱欣撻朵舌戰乘客

林凱欣與乘客舌戰期間，自稱是藝人及公開電話號碼。

罵戰甫開始，林凱欣怒氣沖沖向乘客自我介紹：「我叫林凱欣，凱旋門個凱、欣賞個欣。你哋想屈我13蚊冇問題嘅！」然後，有乘客指她打尖上車，林凱欣即反擊：「我咪話畀你哋上先囉！我都唔知咩事。」乘客又指：「我抱住細路仔瞓着咗，等咗兩架車先上嚟，你就唔好打尖喇！」林凱欣力辯：「我做乜要打尖呢？真係奇怪喇！」她又突然揚聲：「呢個阿姐13蚊（車費）我畀。」隨後，片段出現一把女聲：「冇啦啦話要幫我哋畀13蚊，跟住又話我哋屈佢13蚊喇，跟住又話報警話我哋一家騷擾佢。」林凱欣又揚言：「我係Artist（藝人）嚟嘅，你覺得有咩事我就開記招。」片長約十分鐘，她臨落車時在鏡頭前透露自己的電話號碼，指有事可以找她。

• 林凱欣（右三）除了出寫真，還為網絡電視宣傳。

狂遭電話騷擾報警

記者昨日聯絡林凱欣，她表示近兩日收到幾百個電話騷擾：「打嚟唔出聲、講猥瑣嘢！我去咗警署備案，藝人唔一定就要畀你鬧，好勞氣！全架小巴得七個人，大把位，我點解要打尖？」她亦在社交網講解事件：「嗰日我諗住行去小巴車門，問司機呢度有冇旺角小巴，個阿嬸就以為我打尖。」