阿Sa爆吳慷仁「含」出事險變A片

於新片跳鋼管舞的阿Sa，獲吳慷仁送高踭鞋。

英皇新片《非分熟女》昨日開鏡，英皇老闆楊受成、女主角阿Sa、台北電影節影帝兼金鐘獎視帝吳慷仁、吳浩康（Deep）及林德信（Alex）等出席。戲中大跳鋼管舞的阿Sa獲吳慷仁送上高踭鞋，她即以利是回禮，至於生日的Deep獲大會送上蛋糕慶祝。

「你都係講番國語」

阿Sa透露飾演性冷感患者兼要跳鋼管舞，會穿性感舞衣演出。問到有否親熱戲？吳慷仁笑指很多，阿Sa稱與吳浩康亦有親熱戲：「第一堂學鋼管舞，我着運動型嘅Bra Top同波褲，點知去到個個女仔都着比堅尼。」為電影苦練廣東話的吳慷仁咬字頗清楚，不過被阿Sa踢爆其廣東話幾乎令電影變色情片，因他將「唔好喊啦」與「喊出嚟冇事」，讀成「唔好含啦」同「含出嚟冇事」，阿Sa笑說：「我同佢講你都係講番國語，如果唔係會變A片。」

吳浩康拍床戲緊張

至於首次拍親熱戲的吳浩康透露，與阿Sa有床戲：「緊張到事前諗到要做嘅都冇做，成日睇番條片，覺得好可惜冇做到。（重拍？）咁樣會畀人誤會個出發點。（阿Sa性感？）意識上大膽。」林德信則有一場欣賞阿Sa跳鋼管舞的戲份，他笑指期待對方着比堅尼上陣。

阿Sa爆完吳慷仁瘀事，忍不住喪笑。	楊受成率領眾演員一齊切燒豬。	林德信（左）遞上蛋糕，為吳浩康慶祝生日。