41歲英國男星班尼狄甘巴貝治（Benedict Cumberbatch）飾演「福爾摩斯」與「奇異博士」兩大人氣角色，現實中同樣是超級英雄！他近日被爆去年11月與老婆Sophie Hunter在倫敦乘坐Uber經過福爾摩斯故事中住處貝克街附近時，目擊四名劫匪襲擊一個20多歲的外賣仔，他們除了用玻璃樽爆頭外，更企圖搶走對方的單車，班尼狄見狀即落車力抗劫匪，解救遇襲的外賣仔！
Uber司機事後受訪時表示班尼狄落車時，他才知道自己載着巨星：「之後真係有啲超現實，福爾摩斯就喺貝克街轉角打走四個賊……佢真係好勇，主要係佢嘅功勞！嗰四個賊想打班尼狄，但佢保護到自己，推走咗佢哋，冇受傷。之後我諗班賊認得出佢係班尼狄，就四散逃去，班尼狄就攬實個外賣仔。」警方事後證實曾發生劫案，暫未拘捕任何人，而班尼狄日前回應事件時謙虛說：「我之所以救人係因為，Well，我必須要咁做。」