湯怡小學雞溝仔食檸檬淆底！
英皇電影《某日某月》女主角湯怡與導演劉偉恒前晚連走兩場宣傳新片，先後出席媒仁明星開畫場及慈善觀影禮。二人受訪講到電影勾起讀書回憶，湯怡自爆第一次向男仔示愛卻食檸檬，她說：「小學暗戀咗個男仔好耐，喺小學升中學最後機會，家姐教我寫信表白，但話女仔唔可以咁直接，要矜持，就用咗《其實你心裡有沒有我》憑歌寄意表白，但係佢睇完封信完全冇反應，唔開心咗幾個月。」劉偉恒則取笑那個年代的男仔不喜歡女仔主動。
偷𥄫男神打波
湯怡首次表白失敗，令她升上中學遇到喜歡對象也不敢主動出擊。不過，她自爆有男同學上台唱歌向她表白，但礙於太怕醜及沒有感覺而拒絕了對方。另外，湯怡指還有一個喜歡的男同學，雖然當時經常看他打籃球，但到約會卻被對方的表白嚇怕，她笑說：「第一次約會，佢就同我講呢一晚係我最開心嘅一晚，聽到我有啲驚同抗拒。」劉偉恒自爆試過上台唱歌及寫情信追女仔，但也失敗收場。
陳達仁拯救動物
此外，陳達仁早前出錢出力拍攝一部有關拯救流浪動物的電影《毛俠》，經營殯儀業的他做本行，扮演喃嘸師傅角色，過足戲癮：「香港從來冇講動物保護嘅電影，我哋好低成本，本來諗住拍紀錄片，寫咗故事大綱後感動好多電影人幫手。」