陳茵媺結婚有時差某日某月大頭蝦
藝人陳茵媺（Aimee）與雷頌德（Mark）日前接受東網巨星節目訪問，被問到是否記得結婚紀念日，Mark很快說出答案，但Aimee竟然思前想後，更差點記錯日子，認真大頭蝦！
Aimee與Mark最近合作電影《某日某月》，二人對戲中充滿90年代情懷，非常有感覺。問到人生中最重要的某月某日，例如另一半生日，Aimee很快講出老公陳豪的生日日期，Mark亦同樣答得出。但當問到結婚紀念日，Aimee竟苦惱地說：「Oh my gosh！呢個問題對我有啲難度，因為我哋喺巴黎結咗一次。」隨即被Mark取笑有「時差」和「日差」，她想了很久是6月還是7月，幸好最終答出正確答案。
雷頌德火爆教仔
此外，問Aimee若女兒高中時期要求帶男友見她，可會答應？她笑說：「當然可以，但即刻打畀老公，話自己嚇親，仲一定會邀請佢一齊食飯，畀個女知道可以同我傾偈。我驚我一話唔得，佢有下一個男朋友就唔同我講，仲驚。」
至於有何教子之道？Mark自言很「爆」：「我控制唔到，會大鬧，細仔依家7歲，要背乘數表，佢好反叛唔想背，我試過因為咁坐喺車度個幾鐘。」Aimee則希望子女人品好，幫助別人，亦要顧及他人感受。
https://goo.gl/GHdcLz