楊張新悅夠貼地拍拖食茶記

懷有身孕的名媛楊張新悅前日42歲生日，昨日她出席活動時透露生日當天，和母親在酒店做Spa及「宿一宵」：「好開心，第一次同佢咁樣過，我哋傾咗成晚偈，希望我啲囡囡將來會同我咁慶祝。」問到老公楊哲安送上甚麼禮物？她笑說：「送咗個女畀我囉！我哋鍾意製造回憶多過物質主義，拍拖都只係去茶餐廳，食公仔麵、河粉嗰啲，去酒店食飯佢會瞓着！周年紀念日就會去旅行，我哋諗住生完BB去。」