搏命做Gym發洩 王浩信反常封嘴避談婚變

現年34歲的王浩信結婚多年來屢傳緋聞，老婆Yoyo多次力撐老公，惟最終仍不敵「七年之癢」。最近有指Yoyo已主動提出離婚，兩夫婦亦已分居一段日子，但為了方便照顧6歲女兒王靖喬，據知兩人現時居於同一屋苑，但分別租上下層單位。

心煩慌失失炒車

婚姻生變的王浩信飽受困擾，惟有勤做運動發洩精力！昨午2時45分，他獨自駕車離開將軍澳寓所前往觀塘，戴帽及口罩的他落車後，記者問他去哪兒？他木無表情說：「依家去做Gym！」兩小時後，汗流浹背的他手持水樽往停車場取車，記者上前問他與Yoyo分居一事，他明顯有所迴避：「唔傾喇！唔講喇！」然後就匆匆駕車離開。

而他昨日上載做Gym短片，大騷麒麟臂，另一條片則見他與好友陳志健練習格鬥，兩人埋身肉搏，扭作一團。片中見浩信動作協調，又不時練到索晒氣。另一日，他獨自外出踩單車，但未知是否因家事心煩意亂，發文表示為閃避途人而慌失失翻車！另外，他日前又上載與好友楊潮凱傾訴心聲的照片，似乎有不少煩惱！

至於去意已決的Yoyo，近一年都沒有上載與王浩信的合照。雖然兩人感情生變，但浩信依然關注老婆的日常動態，Yoyo連日上載產品照及手捧鮮花的照片，浩信仍然繼續畀Like。

黃心穎：希望快啲解決

對於浩信與Yoyo分居及傳離婚，曾與王浩信傳緋聞的黃心穎說：「其實之前大家合作完都冇乜聯絡，各有各忙，平時開工見到打個招呼。不過佢哋嘅家事我都唔想講咁多，作為朋友都唔望人哋頭家散，況且佢哋有小朋友，希望問題快啲解決。」講到男友馬國明緋聞少又專一，心穎即由嚴肅變得嬌嗲，她說：「唏！咁呢啲嘢唔可以攞嚟同人哋比較o架嘛！」至於王浩信的另一位緋聞女友江嘉敏表示不知情：「我同佢拍完劇都冇見過面，拍劇時好少講私人事，如果突然關心佢又好似好多事咁。」