黃子華（抓）戲拍收咪唔收山

黃子華自認為食，故身形比之前肥了少許。

棟篤笑題材敏感18禁

子華被問到將舉行的棟篤笑會否涉及敏感題材？他笑說：「我嘅騷次次都敏感o架喎，今次更加唔准18歲以下人士進場，會有好多敏感題材。（話你賺夠一億『收山』？）我諗都唔夠膽咁諗，主辦商都冇話我有呢個價。我都冇確定收山，我係收咪啫，可能趙崇基會搵我拍戲呢。」早前暴瘦的他，現在明顯增磅，他笑說：「其實我想瘦啲，但係太為食，依家向緊余樂天邁進緊。」

廖子妤唔驚影響事業

演員游學修與廖子妤對於演出的電影涉及1967年暴動引起爭議，廖子妤稱：「拍嗰陣還好，最近開始好多人問我驚唔驚影響事業，自己冇諗到咁遠。」游學修則自嘲是小朋友，不敢亂說話，但認為不是有意淡化暴動場面，只是成本問題。

導演趙崇基對於電影能夠上映感到意想不到，上映院線亦比預期多：「電影歸電影，係講故事，唔係論文、紀錄片。電影講咗好多唔同人物，有爭議唔出奇。我覺得寫故事唔係非黑即白，係有灰色地帶可以去寫。」他否認將電影寫得含糊，並覺得不會有驚人票房。

黃子華與溫碧霞傾到笑晒口。

游學修與廖子妤希望新片叫好叫座。