林聞恩辣（興）細妹街頭捱鬧

林聞恩（左）指妹妹林熹瞳平日會擺「家姐款」，對她照顧有加。

林聞恩（Mannyan）簽約成為妹妹林熹瞳（Rachel）旗下藝人，熱愛唱歌的Mannyan表示稍後會有派台歌：「好心急想睇吓反應係點！」問到是否肥水不流別人田？Rachel笑說：「係住先啦！最主要係我睇住家姐好努力，一直冇放棄過夢想，阿媽又畀壓力我。」Mannyan即感動地說：「我又結咗婚，年紀又唔細，佢簽我真係因為我係家姐囉！」

Mannyan又踢爆Rachel試過老闆上身，當街捱罵：「因為公司嘅嘢，佢好激動咁鬧我：『你唔可以咁樣，我想幫你！』我心諗呢個我個妹嚟o架？有少少嚇一嚇。」她指從小到大，父母都認為Rachel比她更似家姐：「我唯一係家姐嘅時候，就係新年派利是畀佢，連我媽媽都記錯佢係家姐。」

林熹瞳失戀求家姐陪食

唯獨感情，Rachel承認會變番妹妹角色：「工作上係我照顧佢，感情上就佢照顧我！佢成日覺得我揀啲男人唔正常、畀人呃。我試過失戀要同姐夫搶人，我真係食唔到嘢，打電話同佢老公講：『可唔可以做電燈膽？』因為要家姐陪住我先可以食飯。佢感情上成熟過我，所以佢結咗婚但我未。」Mannyan亦想催妹妹快些結婚，但覺得妹妹條件太好，嚇走不少追求者，Rachel聞言直接開出擇偶條件：「通常我啲男友做唔到，就係專一！我要黐得身、傾到偈，有才華又孝順，最好係基督徒。」

林熹瞳與林聞恩姊妹情深，自言失戀時要搵家姐陪食療情傷。	林熹瞳與林聞恩	林熹瞳簽林聞恩成為旗下藝人，姊妹檔拍住搵銀。