可嵐虎媽上身被囝囝當衰人

母兼父職的Colleen近期搞作多多，早前與林雅詩、趙頌茹（阿Yu）齊齊帶小朋友出國旅行，更邊做YouTuber邊體驗生活。她說：「我哋三個就組成咗『師奶去旅行』，諗住帶埋小朋友去一個大家都未去過嘅地方，然後好似YouTube咁自拍，介紹一個又一個地方。去越南峴港係希望喺有限嘅資源下，帶大家旅行體驗生活。」

灌輸做人道理

Colleen對管教小朋友有自己一套方式，直言對囝囝Eugene比較嚴厲：「其實每個家長都有好多唔同嘅心得，我就覺得冇絕對啱同絕對錯。大家都有各自嘅教育方針，因為每個小朋友都好獨特。」囝囝雖然只得7歲，但Colleen不時向他灌輸做人道理，希望在有生之年盡力教好兒子，就算被討厭都在所不惜：「有時控制佢，唔畀佢做某啲嘢，或者叫佢讀書寫字嘅時候，佢會好直接咁同我講『I don't like you』，有時佢會覺得我係衰人，畀佢玩嗰陣我就係好人！但係我嘅責任除咗帶佢嚟呢個世界之外，仲要教識佢點樣做人處事，萬一有一日我唔喺度，我都盡咗使命教好佢。」

離婚後感自卑

從結婚走到離婚，Colleen作出每一個決定都不容易。她坦言離婚後感自卑，不敢再找另一半：「其實一定有心理芥蒂，我離過婚又帶住個小朋友，有人會鍾意我？唔好玩啦！再加上用咗幾年時間去建立番自己嘅事業，好驚再失去。」她坦言不想再提傷心事，並指與前夫各自有新生活。

可嵐努力工作，當然要食餐好。

可嵐早前去旅行兼做YouTuber。

場地：金蘭花泰國餐廳