伍允龍抗風沙合埋眼對打

伍允龍、胡然及何浩文（Dominic）在《冒險王衛斯理》中分別飾演羅醫生、白素及白奇偉，劇集遠赴埃及沙漠取景，三人都有大量動作場面！Philip的角色以原振俠作參考，狂打之餘更要「食腦」，問到揣摩「科幻式打戲」有否難度？他說：「我偏向實淨，希望大家一睇就會認得係我嘅嘢，會加少少浮誇同花巧，但唔係冇可能嗰隻！」

胡然仆傷留印

而他覺得最特別是與兩個人高的異形對打：「拍嗰陣係對空氣，之後先加電腦後製，所以要自己做齊打人同捱打嘅反應，都幾有挑戰性！」劇中還有大量實景動作戲，Philip與台前幕後都要在惡劣環境開工，他說：「沙漠經常好大風沙，有一場仲用風扇加強效果，我哋合埋眼靠感覺去打，但啲沙都入晒眼。」

女主角胡然予人外冷內熱感覺，與白素形象匹配，她直言演經典角色有壓力。談及劇中有大量槍戰及追逐戲，她透露曾仆傷：「有一次我跑得太快，整個摔倒，頗嚴重的，手肘及膝蓋都破了。（依家仲有冇疤？）已經一年了，還有紅印。」

胡然打到伍允龍（右）同何浩文飛起？搞吓笑啫！	飾演白素的胡然外表Cool爆，格外有神秘感。	伍允龍（左）在熱辣辣的沙漠喪打，又要對抗風沙，認真辛苦！

至於飾演白素胞兄白奇偉的何浩文，角色設定是超強神槍手，一支手槍揮低狙擊槍！由於埃及氣溫逾40度，他試過中暑狂嘔：「又焗又熱，我仲要着防彈衣，結果嘔咗幾次，嘔完又要返嚟再拍過，不過最緊要有嘢學、有戲演，仲有飯盒食，幾辛苦都OK！」

場地：尖沙咀四季菊

伍允龍化妝、髮型：Cali Wong＠Beauty Fate

胡然化妝、髮型：Yoko Chan＠Yoko Makeup