李旻芳挑戰難度最緊要勵志

多數擔任主持工作，李旻芳卻有意向戲劇方面進軍。

Lucy早前參演劇集《棟仁的時光》，雖然角色只屬客串性質，但一場爆喊危坐天台戲，令人眼前一亮。對於演出大獲好評，她謙虛地表示只是做好本分：「估唔到一個小小嘅角色有咁大回響，好多謝一班觀眾捧場，我當然覺得好滿足同好開心。演戲最重要係感染到觀眾，我嘅角色成功做到呢點，其實都係盡演員本分啫。希望下次演技可以再提升，保持到情緒之餘，都可以保持埋面容，想喊得好睇啲，哈哈。」

小角色大回響

同劇演員袁偉豪亦對Lucy的演出讚不絕口，加上獲得觀眾認同，替她打下強心針。她說：「我依家主力做主持，但之後會考慮演戲。（想挑戰咩角色？）我一直都想挑戰傷健人士角色，因為我每次睇荷里活電影，見到外國影星都演得好逼真，令我感受好深刻，希望演繹到咁勵志嘅角色。」

40歲前結婚

事業得意愛情亦如意，Lucy與男友黃耀英拍拖多年，感情相當穩定。講到結婚計劃，她坦言二人早有共識，但目前以事業為重：「我哋互相認定對方係終身伴侶，但結婚形式同時間未確定，不過結唔結婚都冇所謂，反正我哋會一齊。（會唔會生BB？）會呀，我都驚年紀大生BB有問題，所以可能40歲前完成人生大事。」

Lucy渴望演勵志的角色，為的是要感染觀眾。	李旻芳與黃耀英拍拖多年，已是四口之家。	李旻芳在劇中僅屬客串性質，表現卻令人另眼相看。