溫碧霞15到51 Keep住𡃁妹心
「海潮」已經成為溫碧霞的真身，15歲入行的𡃁妹仔，不介意被人知道已經「入五」，「凍齡」有術的她秘訣是時刻保持初心，從不偷懶，更揚言不會放棄事業，從未閃過退休念頭。
在演藝圈打滾超過30年的溫碧霞（Irene），拍過很多電視劇、電影，今年6月將在港舉行處女大型演唱會，Irene說：「今次演唱會用『海潮』呢個名對我嚟講有啲意義，大家都知我好鍾意呢部電視劇，當時真係冇諗過咁大回響，海潮呢個角色好似我，已經成為我個花名，諗番轉頭有好多回憶，我會喺演唱會呈現由入行到依家嘅轉變同心路歷程。」
藝人年齡冇秘密
今年51歲的Irene，不介意公開年齡：「藝人都冇秘密，大家睇住你大，冇可能唔知你幾歲，反而我好自豪咁嘅年紀，仲可以keep到咁嘅樣。」
Irene分享她的保養心得，就是心態最緊要：「你要對你嘅工作、生活保持住嗰份憧憬，千祈別忘初心，唔好覺得年紀開始大就要改變方向，要堅持番你想要嘅嘢。」Irene在事業和家庭取得平衡，她感謝老公愛錫，讓她自由地繼續打拚。
除了心態正面，她認為女仔要做運動保持狀態，由細到大都愛做運動的Irene，從未試過偷懶。她也沒刻意節食，平時會多喝水，每日會有一餐輕食。
與囝囝一齊留學
對有傳今次是告別騷，Irene笑言是遭人整蠱，她說：「有咁嘅傳言我都好驚訝，我係曾經講過將來想去第二度讀書，但唔會係依家囉，最快都要十年後，或者到時同囝囝一齊去讀，但都要睇到時情況。」
Irene一直熱愛演戲，去年更成立工作室，這是她的一大夢想：「今年先籌備拍第二部電影，我點會咁快放棄我嘅事業呢？」
Hair：Ken Ng@Queens Private i
Makeup：Khaki Yan
場地：富薈上環酒店