AGA失戀四次：痛過牙痛！

歌手AGA（江海迦）昨日與監製舒文到電台宣傳新歌《小問題》，並說：「新碟玩齊五個曲風，呢隻係2000年R&B風格，拍MV嗰陣都用咗好多當年嘅手提電話。」又指新歌主要講述一班女仔圍埋講心事：「講吓愛情、失戀感覺，以為一齊演出嗰幾位女仔係Model，但原來都係音樂人，所以好啱傾。（首歌好Sad？）唔係喎！反而好輕鬆，係輕鬆失戀。」問到曾試過失戀幾次？她怕醜表示4次，並說：「情傷係最大嘅傷，痛過牙痛！」