張敬軒計劃再買樓
歌手張敬軒昨晚出席活動，談及七年前在巴黎買寶石戒指蝕10萬元時笑說：「呢啲當交學費。」學精後只會買保值品，如買樓，他說：「嚟緊希望再買。（諗住買幾多層？）父母年紀大諗住接佢哋嚟香港住，佢哋一間，我自己一間，我哋生活習慣唔同，最好住附近。（諗住幾時買到？）努力吓，今年努力咗演唱會先。」
另外，張敬軒近日為新歌《天才兒童1985》拍攝MV，講到1985年他只得4歲，他自爆當時同學仔的課外活動是畫畫或學音樂，但父母擔心他不懂照顧自己，竟要他學煮飯和縫補。MV於一間懷舊的酒樓取景，由朝拍到晚，他又拎起攝影機充當攝影師，因器材太重呻好攰。