陳嘉寶同老公各有各操

藝人陳嘉寶、薛凱琪（Fiona）、方大同、Super Girls成員Aka及Heidi、倪晨曦、歐鎧淳及胡子彤等昨日出席品牌活動，陳嘉寶近期忙於做Gym操Fit體能以應付8月的警匪片拍攝，她笑說：「真係唔操唔知自己身體差，第一日操完面青口唇白，慢慢愈嚟愈好，依家都有啲成效，起碼唔會暈。」問到老公可有一齊操？ 她說：「佢有佢滑水，我有我做Gym，佢成日講笑話我係『防水』，唔落水，我都鍾意陸上運動多啲。」至於可有計劃生仔？她只說：「上帝早已預備，呢啲係天意。」
陳嘉寶（右）與好友蔡穎恩孖公仔出現。
陳嘉寶（右）與好友蔡穎恩孖公仔出現。

而身穿背心短裙的Fiona，自爆愛儲鞋：「以前拍戲着咗啲唔舒服但靚嘅鞋，搞到隻腳損晒流晒血，我屋企儲咗幾百對鞋，仲特登整咗間房裝起。」她透露活動前與方大同一起玩鋼琴遊戲：「我諗住佢唔識打機，但最後佢贏我10萬分。」

倪晨曦大晒靚腿。
  • 倪晨曦大晒靚腿。
薛凱琪自爆與方大同於活動前相約打機。
  • 薛凱琪自爆與方大同於活動前相約打機。
Aka（右起）及Heidi悉心打扮現身，與余香凝各有各靚。
  • Aka（右起）及Heidi悉心打扮現身，與余香凝各有各靚。
歐鎧淳及胡子彤寓工作於拍拖。
  • 歐鎧淳及胡子彤寓工作於拍拖。