太平公主幾時死？陳煒：捱足36集

「太平公主」陳煒於《宮2》的演出非常搶鏡，下周劇情更集中她身上，任由她「一展所長」。對於演技被讚，她謙稱：「因為太平公主喺歷史上確有此人，令我嗰部分嘅故事好紮實。我按劇本去做，都花咗好多時間去準備，要多謝『駙馬』曾偉權，我同佢嗰Part會交代我個人雖然狠毒，但感情上好立體，係個有血有肉嘅人。」
陳煒
陳煒

陳煒笑言網民最擔心「太平公主究竟幾時死」﹕「因為歷史上我係被馬浚偉殺，不過大家唔使太擔心，我係會捱足36集，劇終先會死呀。」

陳煒因曾偉權之死，遷怒馬浚偉與胡定欣。
  • 陳煒因曾偉權之死，遷怒馬浚偉與胡定欣。