英國男星丹尼爾格力（Daniel Craig）3年前揚言寧願「割腕自殺」也不再演占士邦，現爆出他收超過5億2千萬港元，第5次亦是最後一次拍邦片，比上集片酬大幅度跳升！
50歲的丹尼爾自《新鐵金剛智破皇家賭場》（Casino Royale）首次演占士邦後大紅，令最初質疑者全部收聲，之後更成為史上最高身價占士邦。他主演的第4部邦片《007：鬼影帝國》（Spectre）於2015年上映，其後受訪表示已經厭倦拍攝邦片，寧願「割腕自殺」。
經過長時間洽談，丹尼爾才證實再次演占士邦，與導演丹尼保爾（Danny Boyle）自奧運會短片後再度合作。今次丹尼爾收取超過5億2千萬港元，比上集《007：鬼影帝國》約3億8千萬港元片酬大幅度跳升！除主演外，他亦兼任執行監製一職。
知情者指丹尼爾的高價是「物有所值」：「丹尼爾係值得呢個價，《007：鬼影帝國》票房超過73億港元，而《新鐵金剛：智破天凶城》（Skyfall）票房超過93億港元，仲未計埋DVD、串流播放同電視版權收入。」他又表示：「丹尼爾好期待同丹尼圓滿咁謝幕，已經傾咗佢哋嘅願景，仲有12月喺松林製片廠開鏡之後嘅現實情況。」電影預計明年10月上映。
文：外娛組