陳炳銓爆李佳芯鍾意睇波

藝人陳炳銓、林耀聲及黎學勤等昨午出席ViuTV節目《Good Night Show全民星戰》宣傳活動，陳炳銓透露一向有玩足球及籃球，但年前雙腿先後受傷及斷骨，他打趣自稱「傷膝」，不過談到即將揭幕的世界盃，他笑說：「會做吓功課，喺節目同觀眾傾吓波經。我比較鋤強扶弱，覺得弱隊有火好睇啲。（女友李佳芯呢？）佢以前主持過世界盃節目o架，都鍾意睇波。（因睇波鬧交？）我身邊啲朋友都畀我薰陶到同一陣線！」