冇筍盤益胡定欣 馬浚偉：最好係我喇！
藝人馬浚偉與胡定欣等昨午到深水埗出席舞台劇《偶然·徐志摩》慈善首映記者會。由於早前忙於內地拍劇，定欣返港後即日以繼夜排練趕進度：「覺得有啲頻撲，但冇之前咁緊張。演舞台劇同過往十幾年拍劇演出有啲唔同，好彩馬浚偉畀咗好多意見我。」
談到今次11場演出的售票情況，馬浚偉笑說：「廣告未出街已經賣咗6、7成，我預留咗空檔可以加場。嚟緊會同時見到我哋舞台劇同電視劇嘅廣告，有親戚傳短訊嚟話周圍都見到我，所以飛咗去加拿大，但去到都聽到我嘅訪問，我惟有叫佢認命啦。」而早前馬浚偉自爆對定欣「情史」不了解：「原來佢兩個前度我都識。（介紹男仔畀佢？）我身邊冇好人，最好係我喇！」