張智霖「死過翻生」黃牙兼紋身老婆Like
張智霖（Chilam）為電影化身粗獷型男，一改斯文靚仔形象，又紋身又滿口黃牙，但他笑言身邊女士都Like爆，今後亦希望多作不同類型的演出，不會有「靚仔包袱」。
影星張智霖日前與古天樂、鄭嘉穎及導演林德祿在上海出席系列電影新片《L風暴》發布會，他與古仔再次聚首，於片中聯手對抗新加入的鄭嘉穎，其中古仔更親身上陣，與嘉穎在船上有多場打戲，不過，嘉穎以普通話講這場戲時，口誤將「船戲」講成「床戲」，令台下觀眾笑不攏嘴。而Chilam則大爆古仔的養生秘訣，指他每逢拍戲，早上至下午都不吃飯，直到晚上才吃，古仔即笑言此習慣已持續了多年。
沒有「靚仔包袱」
Chilam在前集結局疑中槍身亡，今集安排他因避過致命傷而以新造型化身臥底繼續查案，Chilam需要犧牲靚仔樣，以黃牙及鬚根Look亮相，更會展現大片紋身。他坦言沒有「靚仔包袱」，今次的Man爆造型更迷倒身邊女士：「呢個Look Keep咗幾日，喺街見到拉姑（狄波拉）佢話好鍾意，幾日後變番原樣又畀我遇到佢，點知佢就唔多Like！而老婆（袁詠儀）就日日玩我啲紋身貼紙。」
冇諗過做賽車手
另外，Chilam此行亦為名車頒獎禮擔任頒獎嘉賓，他在場見到超跑，即忍不住登車體驗一番。問到是否有興趣做賽車手？他笑說：「本身唔係一個好快嘅車手，不嬲安全為上，自己都好鍾意跑車，但就冇諗過好似阿城（郭富城）咁樣賽車。」
文：影視組