李思欣捉老公體檢Ready造人

范振鋒、李思欣、蘇志威與太太劉小慧、林盛斌（Bob）、姚嘉妮與丈夫林祖輝、方伊琪及蘇珊等前日到大角咀出席MediPoint醫學健康中心開幕活動，現場有大批來賓撐場，場面熱鬧！醫學健康中心佔地30,000呎，眾星獲安排參觀各部門後，激讚設備齊全及予人專業妥善的感覺。

阿范與思欣表示會關注對方健康，阿范自嘲經常疑神疑鬼，小小病痛就擔心有大問題，近月被腰痛困擾！思欣最關注「女人病」，自言經痛情況嚴重，試過拍攝期間痛到險暈，故兩夫婦打算前來做體檢消除疑慮。問到是否想調理身體準備生仔，思欣說：「都係！結咗婚六年，都覺得Ready，但要醫好條尾龍骨先！讀書時跌過，近期又惡化，可能着得高踭鞋多，試過坐咗陣，跟住兩秒行唔到。」阿范亦指兩公婆Check好身體後就會全速追B！

范振鋒等嘉賓參觀中心，大開眼界。	林盛斌透露兒子的濕疹問題有好轉。	范振鋒與李思欣各有痛症纏身，希望盡快解決再全力趕造人。

Bob自爆患睡眠窒息症

育有三女一子的Bob自誇精壯，近年雖開始注意飲食，但依然有身體問題，最嚴重的是睡眠窒息症，每晚鼻鼾聲超大：「氣管、食道係有啲問題，做過檢查，醫生都話要正視，我真係驚瞓瞓吓死咗！」問到可有教好友阿范生BB心得，Bob笑指對方或有暗病：「勸過佢好多次，但佢話要搵多陣錢，佢結婚咁多年都未有，係時候要Check吓。」

劉小慧與姚嘉妮了解各器材的用途。	蘇志威認懶，未有學老婆勤做體檢。	姚嘉妮與林祖輝獲贈VIP卡，有意做身體檢查。

此外，Bob表示細仔的濕疹問題終於好轉，並指同場的劉小慧熟悉能量學，指Bob可能給予囝囝太大壓力，令其健康變差，Bob說：「我成日喺囝囝耳邊叫佢乖呀！叻呀！畀太多壓力，以後我都要放鬆啲。」

蘇志威認懶　一條龍服務啱晒！

藝人蘇志威及太太劉小慧孖住出席醫學健康中心開幕，歌精舞勁的草蜢成員蘇志威平日運動量超大，最近又忙於草蜢亞洲巡唱。他自言甚少病痛，本身沒有做體檢習慣：「我外面睇落OK，入面就未知！朋友成日叫我做體檢，但自己就懶，好在呢度有一條龍服務，一日內有報告，而且有埋疫苗、牙科、中醫同復康運動治療，咁方便，之後可以每年Check吓！」劉小慧表示因要駕車返內地，需要兩年做一次驗身，亦表示為健康着想，鼓勵大家做體檢。

姚嘉妮醫學美容　做逆齡「潮媽」

藝人姚嘉妮與丈夫林祖輝向來注重健康，參觀MediPoint各個醫護部門後有感而發，表示要做一個「潮媽」，但並非要關心Fashion，反而最重要是緊貼醫學科技，嘉妮說：「我哋都算好健康，老公唔食肥膩嘢，反而小朋友鍾意食薯片，要節制吓！雖然我哋家族冇遺傳病，但仲有好多外來因素，好似污染好犀利，依家Cancer年輕化，所以我哋要了解最尖端嘅醫學科技，MediPoint做體檢好方便，一驗血就睇晒全身，知道身體有冇毛病，搵到錢先有命享！」

講到健康中心亦有醫學美容服務，嘉妮表示有興趣了解更多：「依家有啲導入儀器做得好好，冇破相風險，亦有方法可以將身體入面細胞更生，做到逆齡又延長壽命。」

文：影視組