歌手林奕匡（Phil）昨日重回3月初補擺婚宴的酒店出席活動，更即場獻唱兩首情歌。他受訪時甜笑謂再次踏足婚宴場地，勾起很多美好回憶，又指快將結婚一周年，希望能請假去旅行慶祝。
講到6月初的九展騷，Phil表示現正閉關綵排，問有否留意到太太李靄璣最近大派福利，晒性感泳衣照？他卻明顯懵然不知，細細聲笑住講：「搞錯呀！」又自爆曾經「呷醋」：「之前講過性感嘅話要畀我睇咗先，但唔性感就唔會講，咁都係緊張佢。（點為之唔性感？）點到即止啦，佢身材係好好。」
