嘉玲對偉仔千依百順：唔係好易反艇

劉嘉玲表示看到舞台劇《奪命證人》的班底，就覺得非演不可：「謝君豪係我好欣賞嘅舞台劇演員，一路想同佢有多啲對手戲。」嘉玲又大讚對方是君子：「佢好包容，好顧全大局，好講求團體情緒。」

傻妹成就斐然

至於另一位對手秦沛，兩人早於無綫時期已認識，嘉玲坦言彼此感情深厚：「雖然佢依家多時間喺加拿大住，好少見面，但每次見到佢都好似屋企人咁。」對於秦沛讚她是聰明女，嘉玲哈哈大笑說：「佢會覺得我呢個『大陸妹』廣東話都唔識講，嚟我屋企傻吓傻吓，依家搞成咁樣（成就），佢會覺得好不可思議。」

講到嘉玲生命中真正的「奪命」男人，當然非梁朝偉莫屬，嘉玲自爆：「我以前聽佢講，依家唔聽佢講咋嘛，一路行落嚟，我覺得我講嘅嘢啱囉。」問她是否變了？嘉玲即解釋：「梗唔係啦，我依家更順得佢，我堅持做一個順得佢嘅人，如果唔係好易『反艇』。」

劉嘉玲接受主持俞詠文訪問，大談演出舞台劇的點滴。

嘉玲天不怕地不怕，愛向難度挑戰。

出頭鳥被人打

嘉玲又直認兩人都是很強的人，但偉仔比她更強：「佢係唔出聲嘅強，唔出聲嗰啲好蠱惑，成日扮弱者，我就係『出頭鳥』，成日畀人打。」她更踢爆偉仔對於演舞台劇耍手兼擰頭，自己就沒有甚麼事情害怕，更霸氣說：「我今年53歲，冇嘢輸！」

文：專案組

https://goo.gl/eN46HH