廖碧兒只談學業不提戀情
藝人廖碧兒（Bernice）承認與富豪男友盧啟賢（Calvin）發展中，惟Calvin被指有位疑似未分手的泰國女友Nina，兩人早前更結伴睇演唱會！被指是第三者的Bernice近日去加拿大溫哥華讀書，並在當地接受前無綫藝人李婉華的電台節目《小心華之里》訪問，內容只提及重返校園，未有交代戀情。婉華在訪問中了解到Bernice是性情中人，讚她愛家庭又有愛心。
Bernice透露會在溫哥華逗留六周，現時住學生宿舍，完成學業是其心願：「好多人覺得點解隔咗咁耐會返嚟讀，其實我本身好鍾意讀書，之前讀醫，入大學想做醫生幫人，中間轉咗科，之後選美，咁成個世界就轉變咗去香港。」問到記性是否還好？她說：「唔好呀，要搵方法記。」婉華繼續問她在外地讀書，是否想避免亂想？Bernice否認：「唔係，我要諗好多嘢，每個星期都會飛返香港做嘢。讀完呢六個禮拜，Pass咗先知會唔會繼續讀！」另外，有指盧啟賢到當地探女友，惟至截稿前，Bernice未有回覆。