男粉絲埋身拖手阿嬌急縮！
組合Twins日前到美加舉行《Twins LOL Live Around the World世界巡迴演唱會》，鍾欣潼（阿嬌）與蔡卓妍（阿Sa）在洛杉磯站邀請一位男粉絲上台合唱《死性不改》，想不到該粉絲竟伸出右手想拖住阿嬌，阿嬌立即鎮定地縮開，還將手放在自己腰部。慘食檸檬的男粉絲若無其事繼續唱歌，全場見狀都瘋狂尖叫！事後男粉絲開心表示：「諗唔到可以同偶像Twins合唱。」
阿Sa難頂時差
而阿Sa就敵不過時差，坦言十分疲累：「最後一站多倫多，同溫哥華差三個鐘，我決定唔再調時差啦！眼瞓就瞓，唔想瞓就醒，餓就食，真係冇辦法。一陣返到香港又要調番，好痛苦！」她笑言羨慕阿嬌像活在美國時間，完全不受時差影響。阿嬌則自爆幾乎食錯藥：「我啱啱想食敏感藥，不過差啲攞錯安眠藥，食咗就唔使唱啦，哈哈。」
對於阿嬌將與賴弘國結婚，歌迷都送上祝福，更大叫Twins移民到美加。據知在當地時間22日完成多倫多站後，阿嬌就會飛去洛杉磯籌備婚禮，阿Sa也會參加派對。
文：音樂組